芊嶠26m9d，而家出去街食野，無論係有冇bb凳，有冇bb餐具，芊嶠都會話佢想自己食。最好笑係拎住自己件食飯褸，就自言自語禁話著褸褸，嶠嶠食飯飯/麵麵😂😂有次媽媽好大濛，唔記得拎佢件食飯褸，但我都照比佢自己食，話返去洗衫，但芊嶠就不停話媽媽冇帶褸褸，食食下又話媽媽冇帶褸褸，自此之後，嶠媽都帶定兩件，一件放佢背囊，一件放我袋😅😅
我想話，曾經係佢9個月大，我見人地既小朋友自己食，好開心，我都想禁，都試過迫佢，但當然係失敗啦！結果，就繼續係父母餵囉。到左佢歲半個陣，有一日，芊嶠好曳，要嫲嫲追住黎餵，我就話，下次開始比佢自己食，食得幾多由佢，點知佢就食哂比我地睇😂😂個次開始，每次食飯佢都係自己食，雖然有時都會扭計話唔食，不過都叫做有進步啦。我發覺，原來唔洗迫佢地，小朋友去到某一階段，佢地想，禁就會用行動去話比你知佢地ready！
而家帶佢出去，好多人都成日讚佢叻，自己食，又問我係屋企點教佢食，我話其實只要小朋友想，覺得ready，而佢地又想食，好食，佢地就自然會食得開心。不過，芊嶠係特別中意食野既😊😊所以小朋友仲細既媽媽都唔洗特別擔心，你地既小朋友去到適合既時候，佢地就會講/表達佢地想，當然佢地想個陣你唔好唔比，又怕dirty，禁樣會令佢地卻步架😆😆總之，就順其自然啦！係佢地想既時候靜靜雞push下，佢地唔會覺既🙈🙈
#芊嶠 #26m #自理能力編之自己食飯 #學習成長中
Search